​A ministra de Asuntos Exteriores anuncia a chegada do AVE a Galicia "para 2022" pero logo matiza que ese é o prazo "da UE"

|

A ministra Arancha González anunciou un novo atraso na liña de AVE que conectará Madrid con Santiago de Compostela, que non chegará para o Ano Santo pero que contará cun investimento de 226 millóns. Feijóo lamentou este novo atraso e lanzou a luva a Ábalos, ministros de Transporte, Movilidad e Axenda Urbana.


Tren ave galicia

O AVE sofre un novo atraso na súa chegada a Galicia


O Ano Santo chegará a Galicia e non será en AVE. A ministra de Asuntos Exteriores, Arancha González, anunciou que a Alta Velocidade suma un novo atraso na súa chegada a Galicia e que esta non estará na comunidade en 2021 como se esperaba senón que será en xaneiro de 2022 cando se inaugure este servizo.


"A UE aprobou un investimento de 226 millóns de euros para a construción dunha liña de Alta Velocidade en Galicia", publicou a ministra. Segundo informou a titular de Asuntos Exteriores a liña en Galicia terá unha extensión de 48,5km do 548km que a compoñen no seu percorrido que conectará Madrid coa capital galega.


PASO EN FALSO DA MINISTRA

Tras o balbordo que xerou o primeiro e controvertida mensaxe, a ministra matizou horas máis tarde que o de 2022 "é o prazo dado por Adif á Comisión Europea como referencia máxima para solicitar os fondos europeos". Nese sentido asegurou que en canto aos prazos "séguese mantendo a programación prevista e a finalización das obras nos próximos meses".



A propia Adif recalcan que a posta en servizo depende do visto e prace da Axencia Estatal de Seguridade Ferroviaria tras o período de probas, auqnue mantense o ritmo de execución das obras.


Do mesmo xeito, fontes do Ministerio de Fomento saíron ao paso e subliñaron que o prazo ao que fai referencia a CE é "de cautela para non perder fondos" e "para non pillarse os dedos", "pero non hai obrigación de esgotar" esa data, "nin moito menos". "Ese prazo non é o noso", concluíron desde Fomento. 


FEIJÓO: "ISTO É O QUE DI UNHA PARTE DO GOBERNO"

O presidente da Xunta de Galicia, Alberto Núñez Feijóo, non quixo deixar pasar a oportunidade para lamentar este novo atraso, confirmado por unha ministra "independente das infraestruturas e que reflicte o que reflicte a Unión Europea: ese tren, tal e como vai, non poderá estar listo antes de principios do ano 2022".


"Iso é o que di unha parte do Goberno, agora a ver o que di a outra parte -o Ministerio de Transporte, Movilidad e Axenda Urbana, dirixido polo secretario de Organización do PSOE, José Luis Ábalos-", proseguiu Feijóo, quen recalcou que o importantes é "como van as vías", algo que segundo el "indica que non teremos AVE nin en 2020 nin en 2021".


CARTA A ÁBALOS

Nese sentido, o presidente autonómico tendeu a man a Ábalos, que estará este sábado en Santiago de Compostela nun acto do PSdeG, para estreitar a colaboración entre a Xunta e o seu ministerio. "Remitinlle unha carta onde, en primeiro lugar, acredítolle que somos unha administración leal e que queremos colaborar, e en segundo lugar felicítolle polo seu nomeamento", asegurou Feijóo.


Nese sentido, a misiva tamén incorpora o que Feijóo tachou de "os problemas que temos en Galicia neste momento", onde o AVE e os servizos ferroviarios son, xunto con "a entrega das autovías", os problemas máis perentorios de Galicia nesta materia segundo o presidente da Xunta.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress