As primeiras enquisas dan un empate en Galicia e unha vitoria do PSOE en España

21:07 horas 

A nivel estatal:

1. O PSOE gaña e é o máis votado con bastante diferenza, pero con entre 114- e 119 escanos, cando en abril sacou 123. 
2. O PP sobe desde os 66 ata os 85-90. 
3. Vox dá a sorpresa e dispárase ata 56-59, na terceira posición, duplicando os seus 24 de primavera.
4. Unidos Podemos cae ata 30-34, desde 42.
5. Cidadáns esborrállase desde os 57 a unha posible hecatombe de 14-15.
6. Máis País lograría só tres escanos, ningún por Galicia.
7. En Cataluña, Esquerra gañaría con entre 13 ou 14; por diante de Junts con 6 ou 7 e da CUP que entraría con 3 ou 4.
8. O BNG sacaría un escano pola Coruña, pero está en disputa con Vox.

Estes son os resultados dunha enquisa  de GAD3 para as emisoras públicas. Non se trata dunha enquisa a pé de urna, senón dunha sondaxe realizada entre o 25 de outubro e o 10 de novembro para RTVE e a FORTA, as emisoras públicas. É a única enquisa que se coñecerá antes dos primeiros resultados oficiais.

RESULTADOS EN GALICIA NAS ELECCIÓNS XERAIS DE 10N

En Galicia, habería empate entre PSOE e PP a nivel de escanos. Gañaría, iso si, a nivel de votos, o partido de Alberto Nuñez Feijóo, pero a penas por dous puntos:

Tanto PPdeG como PSdeG sacarían 10 escanos en Galicia, empatados a tres representantes na Coruña e Pontevedra; e a dous en Ourense e Lugo. En Común Unidas Podemos, terceiro,  mantería o seu deputado pola Coruña e a súa deputada por Pontevedra. O último escano, na Coruña, podería ser para o BNG, pero tamén para Vox.

RESULTADOS OFICIAIS DAS ELECCIÓNS XERAIS ACTUALIZADOS EN VIGO

Por agora non se coñecen adianto de resultados oficiais, que se podra  ir seguindo nesta páxina: