​Unha semana de consultas do Rey, sen cambio de posturas

Comeza a semana clave para coñecer se finalmente a cidadanía terá que volver aos colexios electorais para depositar o seu voto, e o que parece máis que posible é que haxa eleccións xerais. Non é unha situación desexable, pero tal como está o panorama igual, a pesar das enquisas, a situación pode cambiar para elixir ao novo goberno de España.

Menos mal que a selección española de baloncesto alegrou ao persoal este domingo, tras conquistar o campionato do mundo nun partido contra Arxentina a quen lle sacou 20 puntos de diferenza. Unha alegría compartida por todos os que aman o deporte da canastra e os que se engadiron para participar da xesta duns xogadores extraordinarios.

O Rey Felipe inicia a rolda de consultas coas distintas formacións para coñecer o seu voto á posible investidura do candidato Pedro Sánchez. Se non hai cambios, de todos é coñecido quen vai apoiar a investidura, os que votarán en contra e os que se van abster. A única novidade é a manifestada por Pablo Iglesias, nun medio de comunicación, na que lle pedía ao Rey que intercedese ante o presidente en funcións e líder do PSOE para que acepte a súa proposta de formar goberno e evitar novos comicios. Trátase de algo nunca visto por dous motivos: por solicitar ao Rey que interveña cando sempre se pediu que a súa maxestade se manteña á marxe e, segundo, porque quedan ben definidas na Constitución as funcións do Rey. Esta petición seguro que non se atreverá a facerlla en persoa, cando estea en vivo e en director con Felipe VI; máis ben parece unha acción de márketing que outra cousa.

Mentres, o resto de formacións -menos Bildu e ERC, que declinaron despachar co monarca- acudirán a Zarzuela para expresarlle ao Xefe do Estado o mesmos que fixeron na primeira rolda de consultas. Todo igual, pero é necesario -así o marca a Constitución- realizar esta segunda consulta, que pechará a rolda. Teniendo en cuenta as declaracións de Sánchez nos últimos días, nas que afirmaba que se non contaba cos votos suficientes para ser investido, non optaría á investidura, así se espera que llo transmita a Felipe VI.

Se finalmente se cumpren os presaxios, este mércores pode ser a última comparecencia do presidente en funcións no Parlamento, cunha lexislatura que pode considerarse a máis curta nos anos de democracia.

Así que, tal e como está o patio, bo será que a cidadanía se faga á idea de que o 10 de novembro, por moito que o indigne, debe acudir a depositar o seu voto para aquela formación que máis se axuste á súa ideoloxía, aínda que como se está vendo, ¿morreron as ideoloxías? Hai opinións para todos os gustos. O que non se pode facer, aínda que estea moi encabuxado o persoal, é quedarse na casa. A democracia necesita da participación.

Boa semana, moita paciencia e como se di popularmente "o que teña que pasar, pasará".

'Unha semana de consultas do Rey, sen cambio de posturas' é un artigo orixinal de catalunyapress.es