Naturgy imparte clases para un consumo eficiente en Punxín, Lobeira e Porqueira

A Fundación Naturgy organiza este mes tres sesións formativas da Escola de Enerxía nos municipios ourensáns de Punxín, Lobeira e Porqueira, en colaboración cos consistorios municipais.

O obxectivo, explicou a entidade, é ofrecer a familias vulnerables destas zonas pautas para realizar un consumo enerxético máis eficiente, reducindo o importe da súa factura, sen perder as condicións de confort no fogar.

A convocatoria en Punxín será este martes, día 10 de setembro, ás 17,00 horas, no Grupo Escolar, mentres que a sesión de Porqueira terá lugar o 26 de setembro, á mesma hora, no Concello. En Lobeira, a sesión terá lugar o día 19 e será dobre, unha para os veciños e outra para técnicos municipais.

Este ano, a Fundación Naturgy xa organizou 13 sesións da Escola de Enerxía en distintas localidades da provincia de Ourense, ás cales asistiron máis de 130 familias.