​Un agosto que non se vai a esquecer facilmente

Que está a ser un verán quente, fóra dunha bo parte de Galicia onde a choiva acompaña, ninguén o dubida. Cada día estamos a sufrir a  cunhas temperaturas que convidan a mergullarse, varias duchas frías, poñerse debaixo do aire acondicionado ou empinar o cóbado para levar á boca algunha bebida fría que mitigue os estragos do sol e cada un aplica a fórmula que mellor lle solucione o problema.

O presidente en funcións, Pedro Sánchez, está a suar o seu para conseguir ser investido e, a continuación, formar un goberno que lle permita cambiar a marcha do coche que leva xa demasiado tempo en primeira. Non llo poñen fácil a Sánchez, nin a esquerda bolivariana de Iglesias, nin moito menos a dereita "responsable", que si se pon de acordo polo "interese" da nación ameazada polas tropas vermellas e separatistas que queren romper a España que tanto lle "custou" unir aos Reis Católicos.

Queda pouco tempo para coñecer se as eleccións teñen data. Os acontecementos parecen indicar que iso será así, pero pode suceder que no último minuto alguén saque da chistera unha carta que dea a volta á situación. Todo é posible, e como no teatro, ata é viable que haxa un actor que se salte o guión e cambie o final esperado da obra.

Todo é posible, e como no teatro, ata é viable que haxa un actor que se salte o guión e cambie o final esperado da obra

A estratexia do candidato Sánchez, -que din que naceu cunha flor no cu-, de reunirse, como partido, cos representantes da sociedade civil; é unha estratexia de Redondo? Para explicarlles en vivo e directo as súas propostas de presidente, ou quizais de asegurarse os votos para novembro, non é boa. O que si valoran é o traballo que leva a cabo en pleno mes de agosto. Mentres, as súas diferenzas co desaparecido por paternidadePablo Iglesias, cada vez é máis insalvable, aínda que sempre está a opción de cambio de líder podemita. O mesmo pensan o trío da dereita sobre Pedro Sánchez que, segundo eles, debería apartarse para "facilitar" a investidura do novo presidente. É a escusa perfecta que teñen para non absterse. O que non se conforma é porque non quere, di un refrán popular.

Pola súa banda, os partidos independentistas cataláns, que andan á greña entre eles, xa teñen definidas as súas posturas, uns máis que outros. Os republicanos que se inclinaban pola abstención, ante a posibilidade de que a sentenza dos seus políticos presos sexa anterior ás eleccións, mostran as súas reticencias; non é unha boa situación para eles. Se a sentenza é máis do que esperaban, non o poderían xustificar ante os seus votantes, ou si?

Como a calor segue, de momento, apertando, agosto seguirá sendo un mes caloroso tanto climatolócicamente falando como no político. Así, hai que seguir buscando remedios que nos permitan pasalo o mellor posible, sobre todo para aqueles que poidan. Este agosto non se esquecerá facilmente.

Un agosto que non se vai a esquecer facilmente publicouse orixinalmente en Catalunyapress.es