Alerta laranxa en varias zonas de Galicia por tormentas con saraiba de gran tamaño

Este martes poden caer importantes granizadas en varias comarcas debido ás tormentas. A alerta empeza ao mediodía.

A Dirección Xeral de Emerxencias activou a alerta laranxa por tormentas nas provincias de Lugo e Ourense ao longo da mañá deste martes.

En concreto, segundo os datos da Axencia Estatal de Meteoroloxía, trátase dun fenómeno meteorolóxico que afectará á montaña sur da provincia de Lugo e á montaña de Ourense. Prevense choivas e vento localmente fortes e saraiba de gran tamaño.

Meteogalicia pola súa banda mantén alerta amarela en toda a provincia de Ourense por tormentas e en toda a provincia de Lugo, salvo A Mariña, polo mesmo motivo. A alerta empeza ás 12 horas e dura ata as 21 horas.

Co fin de garantir a seguridade de bens e persoas, Emerxencias informou da situación aos concellos das provincias afectadas, deputacións, servizos de Protección Civil e clubs náuticos, co obxectivo de que tomen as medidas de protección oportunas.