O Corte Inglés abre o ano cultural en Santiago coa colectiva “ARTE 4”

Catro miradas, un mesmo impulso creativo

“ARTE 4” reúne catro traxectorias artísticas consolidadas que, desde estilos diversos, dialogan ao redor da experimentación formal e a procura de novas maneiras de expresar emocións e atmosferas. Aínda que cada pintora percorre unha linguaxe plástica propio, todas coinciden nun impulso común: a creación como vehículo de reflexión e sensibilidade.

Dentro da programación complementaria, o espazo cultural organiza dúas visitas guiadas abertas ao público, a cargo das propias artistas: o sábado 24 de xaneiro, de 12:00 a 14:00 horas, e o martes 27, de 16:30 a 18:30 horas. Estas sesións ofrecerán unha oportunidade única para coñecer de primeira man os procesos creativos e as motivacións de cada autora.

Catro traxectorias en diálogo

A segoviana J. Jiménez, fincada en Santiago, combina a súa formación en Maxisterio e en Historia da arte cunha obra de base figurativa que se penetra na abstracción. Pola súa banda, Carmen Sampedro, nacida en Ribeira, une a súa experiencia como mestra coa súa vocación plástica e poética, e acumula unha destacada presenza expositiva tanto en España como en Portugal.

Tamén procedente de Segovia, Lola Sanz, residente na capital galega, aposta por unha evolución desde a figuración cara á fragmentación, incorporando materiais non convencionais que enriquecen o seu discurso visual. Finalmente, Carmela Taboada, nacida en Santiago en 1965 e residente en Sigüeiro, licenciada en Bioloxía , desenvolve unha obra ao óleo centrada na figura humana, onde o corpo se converte en protagonista narrativo e emocional.