Así hai que reclamar a Renfe se o teu tren foi cancelado pola folga ou sufriu atraso

|

Uns 60 trens foron cancelados en Galicia onte pola folga, que tivo un seguimento do 70% segundo o sindicato convocante, CC.OO, e só do 7% a nivel estatal, segundo Renfe. En todo caso, miles de pasaxeiros sufriron atrasos e cancelacións. Velaquí unha pequena guía para esixir os teus dereitos.


Estación de tren de Santiago de Compostela. Renfe Ferrocarril

De cancelarse o traslado, á marxe de quehubiese folga ou non folga, un Regulamento da UE determina que o viaxeiro terá dereito a recuperar o pago.


A compañía reclamador.es engade que a operadora debe facilitar un método alternativo se non pode finalizar a viaxe no tren, ademais de manutención, é dicir  comida e bebidas. Renfe ten un mes para pagar estas indemnizacións  desde que se presente a reclamación.


Se o problema é un atrasos, Renfe mellora as condicións mínimas desa norma. A comnpañía comprométese a efectuar distintas devolucións económicas, en función das demoras e do tipo de tren no que se produzan –AVE, Alvia, AV/AV City e Euromed–.


Para atrasos nos AVE, Renfe comprométese a abonar ao usuario a metade do billete se a demora supera os 15 minutos, o 100% se supera  a media hora.


HAI DEREITO A INDEMNIZACIÓN?

Polo xeral, os afectados non terán dereito a recibir unha indemnización. É dicir, non poderán reclamar unha compensación económica adicional ao reintegro do diñeiro pago polo billete de tren.


Iso se, hai dereito a reclamar os gastos derivados da folga, como: posibles noites de hotel, xornadas laborais que non se puideron desenvolver por mor da cancelación ou o atraso do tren, ou a perda de conexións. Por exemplo, perder un avión ou un segundo tren por mor dos atrasos derivados da folga.


Reclamador.es explica que é imprescindible contar con toda a documentación necesaria para acreditar eses gastos. Na web de Renfe pódese reclamar. 



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress