Enfermeiras, técnicas de farmacia e de emerxencia suman o apoio de Galicia En Común para o recoñecemento da súa categoría

|

A confluencia levará ao Congreso as súas reivindicacións ao fío da próxima manifestación en Madrid


Galicia En Común reclamou o recoñecemento das categorías profesionais dos técnicos sanitarios, que, para esixilo, mobilizaranse o 18 de xuño en Madrid ante o Congreso.


Galicia En Común pide o recoñecemento da categoría profesional de técnicos sanitarios, que se mobilizarán o día 18

Así o solicitou a portavoz de Galicia En Común e deputada no Congreso, Yolanda Díaz, tras unha reunión con representantes da Plataforma de Técnicos Sanitarios, na Coruña.

A coordinadora nacional desta plataforma, Susana Rivera, denunciou que están nunha categoría inferior á que lles correspondería "o que implica, entre outras cuestións, non poder avanzar profesionalmente". "Estamos a cobrar uns 300 euros menos", citou tamén en alusión a outra das consecuencias.

Sobre o colectivo afectado, sinalou que na figura de técnicos sanitarios abárcase o de coidados de enfermería; os técnicos de farmacia e os de emerxencias sanitarias.

Pola súa banda, Yolanda Díaz lembrou que na pasada lexislatura, xa levaron esta demanda á comisión de sanidade. "Avanzar cara ao grupo C1 e derrogar a disposición adicional terceira", asegurou Díaz sobre a demanda que realiza o colectivo e sobre as condicións legais que limitan o recoñecemento da categoría profesional.

Díaz avanzou, por outra banda, que trasladarán estas demandas ao Congreso. "Non é normal que sigan case reguladas por unha norma do ano 1973 e na que pervive o espírito de ser auxilio doutras profesións". Por outra banda, considerou "urxente" a equiparación dos grupos de técnicos ao espazo europeo.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress