Folga indefinida da recollida de lixos na Coruña en plena campaña electoral

|

Tras varias xornadas de mobilizacións e dar unha oportunidade á negociación con Ferrovial e CESPA, os traballadores plántanse cunha folga que a seguro influirá no debate para os comicios locais


Os traballadores do servizo de limpeza viaria e recollida de residuos da Coruña anunciaron a convocatoria dunha folga indefinida, ao concluír este xoves o prazo dado á empresa para emendar, segundo informan, os problemas nos vehículos, así como para cumprir as "condicións sociais e laborais" do convenio.



Lixo folga coruña



CONVERSACIÓNS PREVIAS

Nun comunicado, lembran que, tras as conversacións co Concello da Coruña e coa empresa concesionaria --Ferrovial Servizos-Cespa--, outorgaran de prazo ata o día 16 "para liquidar os problemas de seguridade existentes na maquinaria, así como os numerosos incumprimentos da empresa", sinala sobre os aspectos recolleitos no convenio.


Entre elas, citan o abono das indemnizacións por incapacidades, accidentes ou morte. Con todo, sinalan que, ao concluírse o prazo, convocarán unha folga indefinida para "facer efectivos" os dereitos do convenio.


MEDIACIÓN

Pola súa banda, o goberno local da Coruña promoveu un proceso de mediación a través do Consello Galego de Relacións Laborais para solucionar as diferenzas entre empresa e traballadores sobre o cumprimento do convenio colectivo.

En concreto, sinala que o fai ao non ser posible achegar posturas e apelando á "ampla experiencia" do Consello Galego de Relacións Laborais. "E con competencias para intervir neste tipo de conflitos", engade.


Por outra banda, a concelleira de Medio Ambiente, María García, asinou un acordo co persoal da empresa concesionaria da planta de Nostián, Albada, para a inclusión de cláusulas sociais e laborais de obrigado cumprimento para a próxima concesionaria no prego de condicións do novo contrato.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress