Os presos cataláns non poderán saír de prisión para facer campaña electoral

Aínda que probablemente se poidan tomar posesión no caso de ser elixidos deputados, a Xustiza denega a Junqueras e ao resto de reclusos independentistas saír do cárcere para poder facer campaña para o #28A

O Tribunal Supremo rexeita excarcerar aos políticos presos que están nas listas electorais do 28 de abril para os comicios xerais.

A campaña electoral comeza esta medianoite e a medida do TS afecta ao ex vicepresidente da Generalitat Oriol Junqueras, os ex consellers Raül Romeva, Jordi Turull, Josep Rull e o ex líder de ANC Jordi Sánchez.

A Sala considera que os orzamentos para manter a medida privativa de liberdade seguen concorrendo e con especial forza "se valoramos o momento do xuízo no que nos atopamos", xa que unha desatención ao chamamento xudicial provocaría unha importante disfunción no desenvolvemento da vista.

Segundo o tribunal, o mantemento da prisión é proporcionado e non vulnera o dereito á participación política dos acusados.