Antón Gómez-Reino e Ángela Rodríguez, presuntamente agredidos pola Policía Nacional na manifestación por Alcoa (vídeo)

Os dous candidatos ao Cogreso por En Común Podemos foron presuntamente agredidos por membros do dispositivo de seguridade.

Momentos de tensión ás portas do Congreso dos Deputados. A manifestación que os traballadores de Alcoa, chegados desde os centros de Avilés e A Coruña, viviron nun clima de tensión polas agresións que denuncian sufrir Antón Gómez-Reino, líder de Podemos Galicia e candidato ao Congreso nas eleccións do 28 de abril, e Ángela Rodríguez, tamén candidata ao Congreso pola formación morada.

Nun vídeo que circula xa polas redes, pódese ver ao líder de Podemos Galicia discutindo iradamente con membros da Policía Nacional, aos que acusa de haberlle agredido.

“Acaba de agredir a unha deputada e agrediume primeiro a min”, óese dicir a Gómez-Reino. O Policía Nacional nega agredirlle nas imaxes, mentres outros membros do corpo de seguridade tentan separar ás demais persoas que rodean ao líder de Podemos Galicia.

‼️ Están a vivirse momentos de tensión na concentración de #AlcoaNoSeCierra. @agarzon trata de mediar ante a agresividade da policía cos/as traballadores/as e coa compañeira @Pam_Angela_. pic.twitter.com/anmw3I6A2T

— Esquerda Unida🔻 (@iunida) 28 de marzo de 2019