O Sergas debe abonar o total do prorrateo de gardas en baixa maternal

Un xulgado de Vigo recoñécelle a dúas médicas do Sergas o dereito para cobrar o cento por cento das contías que se corresponden co prorrateo das gardas durante o período de baixa maternal e de lactación, segundo informou o Tribunal Superior de Xustiza de Galicia (TSXG).

O Xulgado do Contencioso-administrativo número 2 de Vigo emitiu dúas sentenzas nas que recoñece a dúas médicas que traballan no Sergas o dereito á percepción do cento por cento as contías correspondentes ao prorrateo de gardas durante o período no que estiveron en situación de baixa maternal e lactación.

Segundo explicaron fontes sanitarias a Europa Press, no Sergas aplicouse durante un tempo esta medida para que non "prexudicase" ás profesionais o feito de gozar do seu permiso maternal.

CONSECUENCIAS DA SENTENZA

O procedemento supón calcular o número de gardas que fixeron as médicas nos meses anteriores ao permiso de maternidade e faise unha media, a partir desta media establécese ese prorrateo.

Antes de chegar ao xulgado, estas dúas médicas solicitaran o abono desta parte proporcional das gardas á xerencia da EOXI de Vigo, que llo denegou.