O Servizo de Urxencias rexeita a proposta do CHUS e anuncia un peche de 24 horas

A CIG anunciou que o rexeitamento por parte do persoal de Urxencias do Hospital Clínico de Santiago de Compostela á proposta da xerencia para o cesamento dos paróns que os profesionais levan realizando desde principios de novembro.

Fachada do CHUS

De feito, o persoal non só rexeitou este achegamento do CHUS, senón que acordou intensificar as protestas e anuncia un peche de 24 horas no hospital para o día 19 de decembro e unha concentración o 5 de decembro diante do SERGAS. Ademais, tamén se programou unha manifestación en Santiago de Compostela para o día 9 de xaneiro.

A proposta da xerencia do CHUS era un incremento do persoal no servizo de urxencias dotándoo de 2 médicos, 5 enfermeiros e 5 auxiliares de enfermería. Ademais, a xerencia propoñía o peche dunha parte do servizo.

Tras a reunión, tal e como vén ocorrendo nas últimas semanas, o persoal saíu a manifestarse á entrada do complexo hospitalario. Despois da mobilización, o comité de folga trasladou a proposta aos traballadores, que rexeitárona de pleno, xa que reclaman que sexa a totalidade dos espazos de urxencias os que estean abertos e dotados de persoal.