O PP confía en que Cospedal deixe a política tras os audios do seu marido e Villarejo
A dirixente popular asegura que estas conversacións non teñen nada que ver cos casos xudicializados do Partido Popular.
O PP de Pablo Casado mostrou as súas discrepancias con Dolores de Cospedal e confía en que ela mesma anuncie que abandona a política nos próximos meses.
Desde a sede de Xénova, o PP espera que a dirixente popular abandone antes da Convención Nacional do partido que ten lugar en xaneiro.
O detonante foron os audios do seu esposo, o empresario López de Hierro, co polémico ex comisario José Manuel Villarejo, segundo os cales o marido de Cospedal recibiu ao policía no seu despacho da rúa Xénova.
Fontes do PP consideran que coas eleccións en maio, o PP non se pode permitir episodios deste tipo nin que se lles relacione con corrupción.
A exsecretaria xeral do Partido Popular e deputada no Congreso asegurou este luns nun comunicado que as conversacións do ex comisario co seu marido "non cambiaron nada" dos casos xudicializados contra o Partido Popular.
Cospedal engadiu que o obxecto desas filtracións é "cubrir" o feito de que membros do Goberno negaron ata tres veces coñecer ao excomisario cando iso non era así.
Escribe o teu comentario