Traballadores demandan a Eloína Nuñez máis persoal en Urxencias

Persoal do servizo de urxencias do hospital clínico de Santiago emitiu un comunicado, a través do sindicato PRO SAGAP, no que denuncia a deterioración progresiva do servizo. É máis, no acusa á xerenta, Eloína Nuñez Feijóo, curmá do presidente da Xunta, de prestar "escasa atención" e prometer medidas que non cumpre.

Eloina Nuñez

O colectivo pon a énfase na falta de persoal e critica os anuncios de restructuración física do CHUS. "É absurdo e irresponsable pensar que se pode mellorar a calidade asistencial atendendo só á restructuración do espazo físico, sen que isto vaia acompañado dun aumento dos recursos humanos, demandado hai moito tempo", argumentan.

Os traballadores demandan "cargas de traballo adecuadas" e un "un aumento na dotación de traballadores do Servizo de Urxencias". Segundo a súa versión, as promesas de máis persoal de hai un ano só se concretaron nun celador máis na quenda de noite.