O castro de Barreiros convértese nun aparcadoiro de autocaravanas

|

Caravannas castro barreiros adega

Caravanas no Castro de San Pedro | Imaxe: ADEGA


ADEGA e Mariña Patrimonio denunciaron ao SEPRONA a utilización dun castro no concello de Barreiros, en Lugo, como aparcadoiro de autocaravanas. O Castro da Punta de San Pedro de Benquerencia "é un ben patrimonial incluído no catálogo das Normas Subsidiarias do Plan do Concello de Barreiros", expón a asociación ecoloxista. 


30011619288 7ba7abcaab z

O catálogo outórgalle, segundo o comunicado da ADEGA, unha cualificación urbanística de "chan non urbanizable de protección patrimonial", polo que consideran que a actividade actual como aparcadoiro de autocaravanas ou como lugar de tránsito de vehículos "non é compatible" coa súa protección. "Esta práctica podería estar a provocar danos no xacemento", declaran.


Ante esta situación, con actividades "probablemente" contrarias á normativa urbanística, e que poderían estarse levando a cabo sen as "correspondentes licenzas e autorizacións", desde ADEGA e Mariña Patrimonio solicitan que se comprobe se o uso do Castro de San Pedro "é conforme á legalidade". No caso de non selo, esixen que "se paralicen as actuacións contrarias a dereito nun ben patrimonial"



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress