Do Florentino victima ao Lopetegui bipolar

Din que a mellor defensa é un ataque, esa é a estratexia que utilizou Florentino Pérez na presentación oficial de Lopetegui como adestrador do Real Madrid, ante un público entregado á causa.

Poñer cara de non romper un prato e sentirse vítima dunha “campaña” en contra do equipo branco fíxoo xenial. O mesmo que pedir á afección madridista que deben estar xuntos contra os que buscan desprestixiar a imaxe do club. Engadiu, entre aplausos, que hai unha corrente que pretende danar a imaxe do club, nunha das súas mellores épocas.

O que se lle esqueceu dicir  Florentino é que non foi capaz de atopar adestrador europeo para fichalo, por que será?

A “campaña” que di Florentino non é contra o club que el preside, senón contra o seu presidente pola xogada sucia que fixo á selección española, á súa afección e ao mundo do fútbol. A ética non se garda no peto e sácase cando a un interésalle: non é facilmente substituíble. É unha das premisas que debe guiar a conduta dos dirixentes dos equipos de fútbol.

Xogar sucio dentro do terreo de xogo está sancionado, facelo fóra do mesmo, por parte dos directivos, tamén debería estalo.

O presidente branco despachouse a gusto contra o presidente da Federación Española de Fútbol, Rubiales, ao acusarlle de non dicir a verdade sobre a fichaxe, porque el comunicoullo con antelación. Negou tamén que esta situación poida afectar os xogadores da vermella.

Pola súa banda Julen Lopetegui, no seu discurso de benvida manifestou que o día do seu cesamento fora o máis triste da súa vida despois da morte da súa nai e que “hoxe” é o máis alegre da miña vida. Lopetegui parece ser que pasa da tristeza á alegría nunha actitude emocionalmente bipolar.

A operación Florentino xa foi executada, sen importarlles o dano e o malestar que xerou. Agora vén a segunda parte, porque Florentino botará a cabalería contra Rubiales, pódeo facer,  outra cousa é que o consiga.

Lopetegui recibiu de mans de Florentino, a camiseta branca que leva o seu nome no dorsal da mesma, debería regalarlle tamén un casco e uns tapóns, porque o recibimento que vai a ter nos campos de España, vai ser de campionato.

Gérard Pique xa atopou substituto niso dos insultos e as descualificacións, estará contento o xogador azulgrana.

Arículo orixinal publicado en Catalunyapress.es.