24 adegas participan na II edición do Festival do Viño da Ribeira Sacra

Edición de 2017 | Imaxe: Festival do Viño dá R.S.

Os días 6, 7 e 8 de xullo o Paseo do Malecón de Monforte de Lemos acolle a segunda edición do Festival do Viño da Ribeira Sacra, un evento que conta coa participación de 24 adegas.

"A idea era facer un festival que promocione conxuntamente os viños e as adegas das cinco subzonas da Denominación de Orixe (D.O.)", auntó o rexedor de Monforte, José Tomé durante a presentación da festa.  

O Presidente do Consello Regulador da D.O., Jose Manuel Rodríguez, apuntou durante o acto que "a Denominación de Orixe xa superou as vodas de prata e existía unha sensibilidade para celebrar en Monforte, capital da Ribeira Sacra, un evento destas características sinalando que a nosa comarca é moito máis que viño". 

Na presentación, o alcalde monfortino quixo detacar a importancia do sector vinícola, "clave para moitos" e que "serve de motor para toda a Ribeira Sacra". "Por iso vímolo facendo compaxinando a tradición da viticultura en bancales coa innovación tecnolóxica", declarou. 

Entre as actividade programadas para o festival atópanse as rutas turísticas que se realizarán o venres e o sábado; os obradoiros infantís de manualidades, onde as máis pequenas poderán descubrir un oficio como a Olería Tradicional de Guimdovós; ou a proposta sensorial 'Xogo de sabores'.