CSIF pide á Xunta que mellore a última oferta da folga de Xustiza

A Central Sindical Independente e de Funcionarios (CSIF) continúa apostando pola mediación no conflito da Administración de Xustiza. Non aceptan a última proposta da Xunta de Galicia e instan o goberno autonómico a mellorar a oferta.

O documento que mantén en pé a Administración foi sometido a votación o pasado 27 de abril polos sindicatos entre as traballadoras de Xustiza. "A proposta presentada o pasado 15 de maio é idéntica á que foi rexeitada polos traballadores, salvo que xa non se acepta votación", declara a central nun comunicado. 

O CSIF considera que o ultimato da Xunta que pesaba sobre os sindicatos para que aceptasen a súa oferta antes do pasado venres 18 ás 14.00h é un "grave erro" porque pecha "en falso o conflito". Critican que a Xunta non movese " un dedo para buscar unha solución" nos 20 días que transcorreron entre a votación da proposta ao peche de prazo. 

Por iso, a central sindical ha remitido á Xunta a petición formal de mediación e dirixiuse a todas os sindicatos para "que fagan súa esa proposta de mediación e apóiena", buscando a unidade sindical que deixaron polo camiño percorrido no últimos catro meses.

CORRECCIÓN: Na noticia do pasado sábado 19 de maio "Catro dos sete sindicatos asumen o acordo que pon fin á folga de Xustiza"  informamos erroneamente de que CSIF comunicara á Xunta que aceptaba a proposta. A Central Sindical continúa sen aprobar a oferta e aposta pola mediación.