Iker Losada volve a Balaídos co reto de salvar ao Levante e a dúbida de si ten opción de fichar polo Celta

Este martes Balaídos vivirá un regreso tan especial como doloroso e estraño. Iker Losada, un dos ojitos dereitos da afección e do propio Claudio Giráldez tras despuntar na Madroa, volve á que foi a súa casa e onde o ano pasado celebraba un final de liga espectacular co regreso do Celta de Vigo a Europa. O seu Celta segue nesa mesma pelexa, apurando as súas opcións de Champions -mínimas- e tratando de amarrar un billete á Europa League ou á Conference, co alento dos seus perseguidores no cocote pero cunha boa expectativa neste tramo final. En fronte hoxe un Levante que se xoga a vida e ao que só lle vale gañar, cun Losada consciente de que as súas opcións para un hipotético retorno a Vigo pasan por un gran partido hoxe.

DE MENOS A MÁIS

A estancia do 'viquingo' en Valencia non está a ser sinxela. Con Calero arrincou o curso practicamente inédito. Até a xornada 15, xusto despois da destitución do adestrador que levara aos levantinistas ao ascenso, Losada sumaba menos de 40 minutos en liga. 

En diante empezou a entrar nos plans do novo preparador e, mesmo, foi clave para tratar de remontar o voo con tres goles e unha asistencia. O máis relevante é que sempre que o galego participa nun gol o Levante suma e Luís Castro tívoo sempre en mente, xa fose como refresco ou como futbolista de inicio.  

Con todo, desde abril Losada só participou en tres do seis últimos duelos, con tres suplencias e 135 minutos en tres partidos, opacado en parte polo bo nivel demostrado por outros atacantes como Carlos Espí (ao que ten o Celta baixo o radar), Iván Romero ou Kareem Tunde. 

O pasado fin de semana, na vitoria contra Osasuna, o ex do Racing de Ferrol viu os touros desde a barreira. Con nove puntos por xogar, o Levante está penúltimo con 36, a tres puntos de protagonizar un gran empate con Xirona, Espanyol, Elxe e Mallorca, que marcan o límite do descenso con 39 puntos. 

A PELEXA POLO CEO E O INFERNO

Con tanta xente na lea, un triunfo hoxe en Balaídos -e a expensas do que faga o Elxe contra o Betis- suporía ir a durmir habendo embarullado toda vía máis a situación de todos os que non teñen selada a permanencia. O Alavés, con 37 puntos, é o outro que podería saír do pozo nunha liga onde parece que os 42 puntos non son, de momento, sinónimo de tranquilidade. 

O único descendido nestes momentos é o Oviedo, pero é certo que se hoxe gana o Celta, as opcións do Levante redúcense ao mínimo, considerando que algúns resultados poden certificar a permanencia doutros equipos e elevar a distancia á salvación. 

Os celestes, pola súa banda, botarán o resto para tratar de consolidar no seu feudo as súas opcións por unha Champions que hoxe teñen a catro puntos e por Europa, instalados en postos de Europa League e cinco puntos por encima do Xetafe, que hoxe sería de Conference. Engadir tres díxitos á súa marcadora e algún resultado favorable podería certificar outra tempada máis do EuroCelta.

TODO LEVA Ao BETIS

A dor de muelas é o Real Betis, que con 54 puntos debe fallar no que resta e o Celta facer practicamente un pleno para volver á Champions. Curiosamente, o Betis é con quen tería que negociar Garcés si queren ver a Losada vestido coa zamarra viguesa o ano próximo. Os verdibrancos son propietarios do pase de Iker Losada, cedido no Ciutat de Valencia pero con contrato en Sevilla até 2029. Non ten oco nos plans de Pellegrini e a súa tempada non elevou o seu caché. 

Na Sede valoran o seu rendemento do ano pasado e cren que Giráldez pode sacar a súa mellor versión, pero en Heliópolis non están polo labor de facilitar o seu regreso considerando ao Celta un rival directo nestes momentos. Recuperar parte do investimento realizado no seu día, próxima aos 2 millóns de euros, será a petensión dos béticos, mentres que o conxunto olívico aspira a rebaixar a cifra ou lograr unha cesión cunha opción de compra condicionada. 

Todo isto son cousas que deberán tratar no verán, pero hoxe o que manda é a actualidade. Para os dous é gañar ou gañar. Losada volve a casa, pero con outra camiseta, como sucede con outros ex do Celta como Pampín ou Manu Sánchez.