O Defensor do Pobo considera que a Xunta "non colabora" en informar da degradación ambiental da Mina de Touro

"Os casos como os de Touro, Valdeorras, Monte Neme, Triacastela ou San Finx non deixan de ser un recordatorio dos efectos da actividade extractiva", declara a asociación Salvemos Cabana.


|

Efectos actividade mineira no ru00edo Portapego (Touro)

Río Portapego (Touro) | Imaxe: Salvemos Cabana


Tras as declaracións no Parlamento do conselleiro de Economía, Francisco Conde, nas que cualifica a minería como unha actividade "sustentable", a asociación Salvemos Cabana fixo público un comunicado de condena cara ás súas palabras. 


"Seguiremos actuando conforme á legalidade, ao interese xeral dos galegos e defendendo a un sector que crea emprego: unha minería responsable, sustentable e moderna", anunciou Conde este mércores. A plataforma contrasta as súas palabras co último informe anual da Oficina do Defensor do Pobo, onde considera á Consellería de Economía, Emprego e Industria como Administración "non colaboradora ou entorpecedora" tras un terceiro requirimento de información sobre a degradación ambiental provocada pola actividade mineira en Touro.


"A situación actual de falta de control sobre o sector extractivo está a deixar en evidencia a inacción de distintos departamentos da actual Administración galega", sentenza Salvemos Cabana. 



Informe mineria

Extracto do informe anual do Valedor do Pobo 2014


A asociación achaca os termos  "minería responsable" e "minería sustentable" utilizados pola Xunta e o sector a "meros eufemismos creados pola industria mineira en beneficio dos seus propios intereses". "A xuízo da asociación pode falarse dunha 'minería razoable' no que ao aproveitamento de recursos do subsolo refírese" pero non aceptan adxectivos da consellería "cando se fala de actividades non perdurables no tempo". "Os casos como os de Touro, Valdeorras, Monte Neme, Triacastela ou San Finx non deixan de ser un recordatorio dos efectos da actividade extractiva", conclúen. 

relacionada ​Atalaya Minning prevé sacar de Touro 438 millóns cunha rendibilidade do 20%
relacionada A mineira explotará prata en Touro
relacionada Os papeis da mineira de Touro non son claros, pero a Xunta dálle outra oportunidade

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE