​Os servizos de emerxencias reciben máis de 150 desfibriladores

|

Desfibrilador desa reanimacion


O vicepresidente da Xunta, Alfonso Rueda, e o conselleiro de Sanidade, Jesús Vázquez Almuiña, entregaron este mércores un total de 157 desfibriladores destinados aos corpos de bombeiros comarcais, GES e Protección civil, co fin de reforzar a resposta ante posibles emerxencias que poidan rexistrarse en calquera punto da comunidade.


Rueda e Almuiña entregáronlle na sede da Academia Galega de Seguridade Pública estes novos equipos aos representantes municipais e aos efectivos dos distintos corpos de emerxencias, co fin de que os concellos galegos poidan contar con "mellor" material de resposta ante unha emerxencia.


O vicepresidente galego fixo fincapé na importancia da cooperación, colaboración e coordinación nun ámbito relevante como o das emerxencias, que "redunda directamente" na seguridade e no benestar dos cidadáns galegos.


Por iso, reiterou a necesidade de "seguir sumando" na aposta dunha xestión conxunta neste ámbito, no que é "tan importante" a implicación de "todas as administracións, tanto autonómica, como locais e provinciais".


Na súa intervención, o conselleiro de Sanidade, Jesús Vázquez Almuiña, remarcou que Galicia foi "pioneira en España" no desenvolvemento de estratexias de cardioprotección, coa publicación do decreto que regulaba o uso de desfibriladores por parte de persoal non médico.


O titular da carteira sanitaria da Xunta tamén remarcou os avances neste ámbito e que Galicia lidera dentro de España "a formación de nenos en primeiros auxilios". Igualmente, concretou que as unidades do 061 conseguen reanimar a unha media de 700 vítimas ao ano e trasladar con vida ao hospital a un 40 por cento.


relacionada O Parlamento de Galicia forma a 'cardio anxos' ao ritmo da 'Macarena'
relacionada Aumenta un 75% a presenza de desfibriladores en espazos públicos de Galicia

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress