Como argumentos da súa dura acusación, os socialistas argumentan que a convocatoria inclúe un número "ridículo" de preguntas acertadas necesarias para superar a fase de oposición, "que consiste nun único exercicio baseado en preguntas tipo test". XSG critica ademais a "exclusión sospeitosa" da puntuación de méritos académicos mentres que a experiencia como interino puntua un "extraordinario" 35%.Por agora, Función Pública da Xunta non respondeu ás críticas das XSG. A formación política demanda que as prazas se cubran por oposición libre -onde non se puntuan méritos- vista a "mala fe" do actual concurso oposición.
O secretario xeral do PSdeG, Gonzalo Caballero, e o secretario xeral das Xuventudes Socialistas, Nabor González, reivindicaron a "tolerancia" ante a "libre elección sexual" dos individuos, no Día Internacional contra a LGTBIfobia, e pediron ao Partido Popular que execute a lei para "defender" os dereitos deste colectivo.
O Servizo Galego de Saúde difundiu un folleto de métodos anticonceptivos no que se inclúe a 'marcha atrás', cunha "eficacia" do 73 ao 96 por cento.