As Xuventudes Socialistas cualifican de "exercicio de ignorancia e inconsciencia" falar da marcha atrás como método anticonceptivo

|

Naborgonzalez


O Servizo Galego de Saúde difundiu un folleto de métodos anticonceptivos no que se inclúe a 'marcha atrás', cunha "eficacia" do 73 ao 96 por cento, segundo o SERGAS. 


Ante esta situación, as Xuventudes Socialistas de Galicia fixeron público un comunicado no que a cualifican como "unha campaña de desinformación da Xunta de Galicia, un acto totalmente irresponsable". 


O Secretario xeral da XSG, Nabor González, afirma que é "inadmisible que desde institucións públicas se igualen métodos como a marcha atrás, que case nin se considera un método anticonceptivo, co uso de preservativos ou anticonceptivos hormonais". 


Pola súa banda, a coordinadora de benestar social das Xuventudes declarou que "estas informacións que contemplan métodos moi pouco fiables e seguros, ademais de resultar en moitos casos perigosas para a saúde, é un exercicio de ignorancia e inconsciencia". 


O FOLLETO

Folleto informativo educación sexual Xunta, marcha atrás


O folleto, que data de abril de 2010, recolle o coito interrompido xunto a métodos como o de postovulación -que consiste en medir a temperatua corporal basal-, o da lactación matera e amenorrea (MELA) -baseado en se a nai está a dar o peito e non ten a menstruación no primeiros seis meses despois do parto-, pero tamén xunto a métodos barreira como o preservativo, dispositivos intrauterinos ou anticoncepción hormonal. 


"Consiste en retirar o pene da vaxina antes da exaculación, que non debe producirse preto da vulva. A eficacia anticonceptiva depende de se se utiliza correcta e sistematicamente", di o folleto. Aclaran que non protexe de Infeccións e Transmisión Sexual (ITS). 


Desde as Xuventudes Socialistas esixen a retirada "inmediata dos folletos así como unha rectificación do contido".



relacionada O SERGAS difunde a "marcha atrás" como método anticoceptivo

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress