José Antonio Domínguez

José Antonio Domínguez Varela é o xerente do Consorcio de Santiago sendo elixido para o cargo en febreiro deste 2025. Licendiado en Dereito e cunha traxectoria profesional na administración autonómica, Domínguez afronta o reto de manter tanto unha actividade suxestiva para atraer visitantes a Santiago como a de manter o patrimonio material da cidade. Sobre temas que preocupan á cidadanía como a vivenda no Centro histórico, sinala os investimentos que se realizan nel para o seu coidado e mantemento. En relación aos actos de vandalismo no patrimonio apela a unha maior concienciación entre os habitantes e as persoas que visitan a cidade para ser conscientes do valor que gardan os diferentes monumentos composteláns.