Rescatado o desaparecido en cabo Udra mentres pescaba

Un dispositivo de procura localizou e rescatado este domingo a un home de 50 anos, que desapareceu mentres pescaba na zona de Cabo Udra. Este foi evacuado ao Hospital Álvaro Cunqueiro.

Preto das 12.25 horas, un familiar do individuo avisou ao 112 Galicia da súa desaparición ao atopar as súas pertenzas. O alertador descoñecía que lle pasou. Segundo a información da Garda Civil, o home caeu mentres pescaba.

Estes feitos obrigaron a activar un operativo, no que participaron efectivos da Garda Civil, de Salvamento Marítimo e Gardacostas de Galicia. En concreto, este último servizo mobilizou o helicóptero Pesca I, que se encargou de finalmente realizar o rescate.