Alberto Núñez Feijoo

Finalmente BNG e Marea Galeguista quedan sós reclamando o aprazamento das votacións polo rebrote de coronavirus. Tanto socialistas como rupturistas tentan nadar e gardar a roupa. Por unha banda critican a cerrazón de Feijóo a aprazar os comicios pero non esixen atrasalo, a espera de que a Xunta Electoral mova ficha. 

Se o Estado pretende nacionalizar Alcoa para salvala, mellor que o faga xa hoxe que mañá, di o presidente. Todo un xiro na postura do PPdeG, moi reacion ata o de agora a valorar se queira un rescate da factoría que implicase que o Estado toma o control. Un dos motivos do cambio de postura parecen ser "contactos" con empresas que estarían interesadas en facerse coa planta de San Cibrao.

O líder do PP estatal desembarcará en Galicia poucas horas despois do fin do estado de alarma para arroupar a un Feijóo co que tivo xa máis dun rozamento político. Unha indicación clara da imporantancia que para os 'populares' teñen a nivel estatal as eleccións galegas, única cita onde aspiran a sacar peito vistas as pobres expectativas que lles dan as enquisas no País Vasco.

O PP de Pablo Casado está a asediar ao Goberno central, ao que culpa de case todos os males do coronavirus pola súa xestión. Punto de vista de Xénova do que se distancia, unha vez máis, o presidente de Galicia, ao sinalar fallos, pero tamén acertos e, en todo caso, o diálogo e a colaboración entre Moncloa e San Caetano.  

Os datos da evolución da pandemia en Galicia seguen sendo bos, con menos de 500 casos activos, só un caso diganosticado con síntomas nunha semana e sen ningún contaxiado na UCI. De seguir así, o venres o presidente galego decidirá que o luns 15 acábese o estado de alarma, sete días antes do previsto e só unha semana despois de entrar en Fase 3.

Van xa catro enquisas publicadas desde a pandemia e todas dan maioría absoluta ao PPdeG. Este domingo publicáronse dúas novas e confírmase que o COVID-19 non lle sentou mal ás expectativas electorais de Alberto Nuñez Feijóo.

As distintas enquisas que apareceron nas últimas horas no moi distorsionado mundo das audiencias indican que, nin Galicia nin Euskadi, están por labor de ofrecernos sobresaltos o xa cada vez mais próximo 12 de Julio. 

A proximidade das eleccións quenta o debate político. Hoxe o líder do PSdeG atacou moi duramente ao presidente da Xunta pola súa actitude nesta crise. Desde o PPdeG insisten en que as eleccións se convocaron para xullo non por interese, se non por recomendación dos expertos sanitarios. Non llo cren desde Galicia en Común, quen acusa a Feijóo quere "acelerar" a desescalada para "aparentar normalidade". O Bloque carga tamén polo líder conservador por non lograr a ansiada mobilidade entre provincias.

Unha historia que nos mostra como unha baixa participación nas eleccións autonómicas favoreceu sempre, excepto contadas excepcións como no ano 2009, ás forzas conservadoras (PP).Unhas eleccións que aínda que se celebrarán finalizado o estado de alarma non resulta fácil, ao día de hoxe, vaticinar como será a situación real no país tanto a nivel sanitario como moi especialmente a nivel psicolóxico.

De aceptar o Goberno de España a petición, miles de madrileños probablemente non poderán vir veranear á costa galega, polo menos en xuño

É seguro convocar eleccións en xullo, pouco despois de, con sorte, superar a primeira onda de coronavirus? O presidente da Xunta así o cre pero a case toda a oposición parécelle mal. En Común mesmo indica que o denunciará na Xustiza. Feijóo apoia o seu punto de vista con estes catro informes, solicitados por el, que publica Galiciapress. Un deles advirte dun pequeno rebrote agora e outro previsible e máis serio a finais de xullo. 

O narcotraficante declara que lle pediron que publicase "merda" sobre Rajoy e Feijóo , ao que votará nas autonómicas deste veran Marcial Dorado insiste en que el e  Alberto Nuñez Feijóo eran moi amigos, tanto que o entón número 2 da Consellería Sanidade durmía na súa casa e a súa muller facíalle o almorzo.