Dimite a alcaldesa de Lousame tras case tres lustros ao ftrente do consistorio

A alcaldesa de Lousame (A Coruña), Teresa Villaverde (PPdeG), deixará o cargo despois de 13 anos por "motivos persoais". Así o confirmaron a Europa Press fontes do partido, que tamén insistiron en que se trata de "algo pactado desde hai tempo".

En concreto, Villaverde deixará de ser a rexedora desta localidade coruñesa nun pleno que se celebrará este xoves. Estas mesmas fontes agradeceron o traballo da popular en máis dunha década á fronte do goberno local, á que cualificaron de "referente como alcaldesa e como representante a nivel educativo".

Con todo, insistiron en que "referendan e están de acordo coa proposta" sobre o seu sucesor, unha proposta "falada desde hai tempo". Entre os obxectivos que se fixou Villaverde tras o pleno de investidura estaba acondicionar núcleos rurais, acometer melloras nas infraestruturas ou estender a cobertura de redes móbiles e levar a fibra 5G a todo o territorio municipal, entre outros.