Pesar en Mouretente, Pontevedra, pola morte dun veciño de 57 anos o día de Nadal
O corpo do home foi atopado no seu domicilio, onde deron a voz de alerta ao ver unha xanela queimada. A explosión dun microondas, posible causa do suceso.
Un home foi atopado morto esta mañá no interior da súa vivenda en Pontevedra, na parroquia de Mourente. A principal hipótese que se baralla é que puido falecer por electrocución despois de que explotase un microondas.
Un veciño alertou do achado despois de dar conta de que unha xanela estaba queimada, segundo informa o 112 Galicia.
No seu relato, explicaba que na pasada xornada, durante un momento, viron "lume" no interior, pero que se apagou de inmediato e que este venres a xanela estaba queimada.
Así, tras contactar con familiares da vítima, púidose acceder á vivenda, onde atoparon ao home falecido.
Efectivos de Urxencias Sanitarias de Galicia-061 e Policía Nacional e Local desprazáronse até o lugar e participaron no operativo.
UN VECIÑO DE MOURENTE NACIDO NO 68
A investigación lévaa a Policía Nacional, aínda que fontes consultadas sitúan como principal hipótese a morte accidental por mor dunha electrocución vinculada coa explosión dun microondas no incendio.
O falecido é un veciño da parroquia de Mourente nacido no ano 68.
Escribe o teu comentario