Eloína Nuñez, curmá do ex-presidente da Xunta, probable nova subdirectora en Política Social

ACTUALIZACIÓN: A curmá de Feijóo, Eloína Nuñez, ten bagaxe suficiente para ser subdirectora en Política Social, defende Rueda

Eloína Nuñez Masid, curmá do ex-presidente da Xunta e líder do Partido Popular de España Alberto Nuñez Feijóo, xa actúa como a nova subdirectora xeral  de Envellecemento Activo e Prevención dá Dependencia e Innovación Sociosanitaria da Consellería de Política Social da Dirección Xeral de Maiores e Atención Sociosanitaria da Consellería de Política Social. Así o comunicaron fontes dos traballadores da Xunta a Galiciapress , indicnado que o seu primeiro día foi o pasado xoves.

Este diario contactou esta mañá coa Consellería para explicar as razóns da selección do familiar do ex-presidente.

A directiva ten formación e experiencia. Ourensá do 62, Eloína Nuñez é médica pola Universidade de Santiago de Compostela. Foi respobsable do SERGAS nas áreas sanitarias de Ourense e, desde 2017 e até uns meses, de Santiago de Compostela. Ten varios másteres, en Saúde Pública e Xestión Sanitaria.

No político, foi concelleira do Concello de Ourense hai unha década, aproximadamente, polo Partido Popular.

A súa vinculación ao PP e ao seu curmán convertéronlle en foco da atención mediática. A oposición leva meses pedindo explicacións polos contratos que adxudicou como xerente das áreas do SERGAS a Eulen, a multinacional da que é responsable en Galicia a irmá de Alberto Nuñez Feijóo, Micaela.

Segundo publicou Luzes, cando a cesou o actual presidente, Alfonso Rueda, esta primavera, concedeulle un permiso de 6 meses retrIbuído, é dicir, cobrando sen traballar.

ACTUALIZACIÓN: A curmá de Feijóo, Eloína Nuñez, ten bagaxe suficiente para ser subdirectora en Política Social, defende Rueda