Besteiro asegura que o PSOE proporá un modelo de financiamento: "Con máis recursos e mellor repartición"
"Falaremos de financiamento desde unha perspectiva como o entendemos os socialistas. Cun modelo de financiamento que saia desde o Estado cara ás Comunidades Autónomas", declarou o secretario xeral do PSdeG á súa chegada á sede de Ferraz
O secretario xeral do PSdeG, José Ramón Gómez Besteiro, confirmou que no Comité Federal do PSOE falarán de financiamento coa proposta dun modelo que sexa "mellor para todos, para España e para Galicia, con máis recursos e con mellor repartición".
"Falaremos de financiamento desde unha perspectiva como o entendemos os socialistas. Cun modelo de financiamento que saia desde o Estado cara ás Comunidades Autónomas", declarou á súa chegada á sede de Ferraz.
Entre outros temas que tratarán durante esta xornada os socialistas, Besteiro enumerou a corresponsabilidade fiscal, de mecanismos de solidariedade e de financiamento singular, algo que desde Galicia "levan pedindo moitísimos anos".
Besteiro explicou que este é o primeiro Comité Federal desde que os socialistas gobernan en Cataluña. "Lembran cando o presidente do PP, Alberto Núñez Feijóo, dicía que iamos entregar Cataluña a Puigdemont...? Continuarei", esgrimiu.
Ademais, sinalou que este comité será o que convoque o Congreso Ordinario do partido, que é onde traballarán para "ampliar" a base electoral dos socialistas.
Escribe o teu comentario