80 anos da liberación de Auschwitz-Birkenau. Esqueceuse o mundo diso?

O presidente norteamericano, o das mil caras, o pistoleiro neno mequeiro, fillo do dono do rancho e cacique do lugar, disposto a terminar cos que se lle poñan por diante, está a pór patas para arriba o país sen medir as consecuencias. 

Este luns 27 de xaneiro cumpríanse 80 anos da liberación, por parte do exército ruso, de Auschwitz-Birkenau, o campo de concentración e exterminio nazi en Polonia. Unha data que mereceu unha merecida homenaxe aos poucos sobreviventes que quedan, quen foron os grandes protagonistas do acto nunha xornada solemne, embazada polo resurgimiento da ultradereita en Alemaña e outros países europeos. O acto contou coa presenza de autoridades de todo o mundo: reis, presidentes de goberno e outras personalidades.

Falta menos dun mes para as eleccións xerais en Alemaña, e tanto Scholz como o que posiblemente será o seu sucesor, Friedrich Merz, xunto a outros políticos alemáns tradicionais, esfórzanse por frear o apoio a Alternativa para Alemaña, un partido que está a ser visto no país como un perigoso retroceso ao nacionalismo que levou a Hitler ao poder nos anos 1930.

Alternativa para Alemaña, a formación que preocupa, está apoiada polo asesor “especial” do presidente Trump, Elon Musk, quen participou telemáticamente nun mitin hai uns días e convidaba os cidadáns a votar por este partido. Unha actitude que leva a moitos a levar as mans á cabeza. Un poderoso como Musk, que é propietario de redes sociais, fai posible levar a millóns de cidadáns as súas ideas e a manipulación das informacións que facilita. É un perigo público de primeira magnitude.

Mentres isto sucede en Europa, chégannos imaxes das deportaciones de persoas sen papeis que está a levar a cabo o presidente Trump, aos poucos días da súa toma de posesión. Estas accións fixeron saltar as alarmas pola súa política contra persoas que son traballadores, levadas con cadeas en mans e pés, coma se fosen delincuentes,asasinos, sen ningún tipo de xesto humanitario e respecto aos dereitos humanos, que tamén os teñen. É unha actuación que demostra ben ás claras as formas de gobernar dun ditador elixido democraticamente, pero un ditador á fin e ao cabo.

Os primeiros deportados foron mexicanos, cuxo goberno non autorizou a aterraxe dos dous avións cos deportados. A medida continuou co breve enfrontamento con Colombia , cuxo goberno se negaba a autorizar a aterraxe con máis deportados de orixe colombiana. As ameazas de Trump ao presidente Petro con impor aranceis aos seus produtos e, tras tirar e afrouxar, finalmente, como informaban as dúas administracións, a situación solucionouse, aceptando Petro todos os termos do presidente Trump.

O presidente norteamericano, o das mil caras, o pistoleiro neno mequeiro, fillo do dono do rancho e cacique do lugar, disposto a terminar cos que se lle poñan por diante, está a pór patas para arriba o país sen medir as consecuencias. A súa obsesión, entre outras, coa implantación de aranceis, cuxos números explicara días antes a un grupo dos seus congresistas, facíao contento coa gran cantidade de diñeiro que ía embolsarse o seu goberno. Non todos os asistentes estaban de acordo. O mesmo que tampouco están de acordo coas medidas das deportaciones a gran escala que está a levar a cabo.

As accións de Trump están a espertar non só receo, senón inquietude, indignación e mesmo odio. As políticas nada republicanas, senón de ultradereita, a prepotencia, a soberbia e o desprezo polos latinoamericanos só axudan a unha resposta antiamericana e ao rexurdir da extrema esquerda na zona. Ser o país máis poderoso do mundo non significa que poida facer o que lle veña en gana, coma se do seu rancho tratásese, non. Esqueceuse o mundo do ocorrido co nazismo?

Dous acontecementos importantes este 27 de xaneiro: o primeiro, co consello dos poucos sobreviventes do campo de concentración Auschwitz-Birkenau, que insistiron en que non volva repetirse o sucedido. O outro, a deportación de persoas tratadas como delincuentes. Este camiño só leva a unha situación que ninguén quere. Os humanos son os animais que tropezan máis dunha vez na mesma pedra, e é que supremacismo e racismo significan nazismo.