O gran negocio da guerra

Levamos tempo de sobresaltos, por un motivo ou outro. O certo é que non se gaña para sustos. As guerras só traen destrución, mortes, odio e desesperanza para moitos. En cambio, para outros significa negocio: gañar o maior número de diñeiro aproveitar das desgrazas. Son aves carnazal cuxa conciencia está estreitamente relacionada coa súa conta de resultados. A solidariedade para ese tipo de persoas ou empresas empeza por un mesmo, continúa por un mesmo e, se sobra algo, continúa sendo para un mesmo.

A guerra de EEUU e Israel contra Irán, saltar a legalidade internacional, como é habitual en Donald Trump, o “elixido”, e Benjamín Netanyahun o criminal de guerra, cos seus ataques a Irán, segundo eles para “salvar á súa poboación do ‘réxime dos Aiatolás”, que non son uns santos que digamos, trouxo, entre outras cousas, o peche do estreito de Ormuz polo goberno dese país, que supón un grave problema para o transporte de carburantes e unha “crise económica global”. Os prezos disparáronse e as familias, empresas e todos os sectores están a verse afectados polo conflito bélico. 

Ante a guerra en Irán, varios días antes de que os buques que transportan o combustible non puidesen atravesar o estreito de Ormuz, xa subiran os seus prezos, mentindo descaradamente, o que lles está reportando uns beneficios extras conseguidos de forma pouco ética, sen importarlles que iso é unha política de empresa insolidaria, que di moito dos que a practican. Claro que iso para eles é irrelevante; só impórtanlles os beneficios. 

 En España, as principais petroleiras e operadores de produtos petrolíferos son: Repsol, Moeve (antes Cepsa), Galp, BP Exolum e outras marcas de gasolineiras chamadas low cost están a facer o seu agosto no mes de marzo.   A maioría do petróleo que chega a España non provén desa zona do golfo Pérsico, como é o caso de Repsol, que se considera unha empresa atlántica. A subministración desta petroleira está garantido. O resto da súa exposición no golfo é mínima. Entón, por que subiron tanto os prezos dos combustibles?. O goberno debería ter xa unha lei (non un decreto Lei) para topar os prezos e impor sancións a quen realicen estas prácticas fraudulentas. Non basta con accións puntuais.

 O gran negocio da guerra de Irán (como noutras guerras que hai no mundo) capitanéao o sector de “defensa”, é dicir, o armamentístico, que se está enchendo os “petos” como hai anos que non sucedía. A guerra de Ucraína foi o inicio en Europa (no mundo tamén) do rexurdir desta industria; a conxuntura propiciou que esta industria gañe preponderancia en Europa, onde, até o conflito en Ucraína, non se fixo que os países empezasen a dedicar máis orzamento.

 A guerra en marcha no medio Oriente está a afectar a cadea global de subministración de medicamentos e produtos farmacéuticos.

Isto débese fundamentalmente aos ataques sufridos por Dubái, que é un importante centro loxístico no sector farmacéutico mundial.

A cidade máis poboada de Emiratos Árabes Unidos alberga o aeroporto internacional de maior tráfico do mundo, que en 2025 sumou uns 95 millóns de pasaxeiros.

A distribución de elementos químicos como o xofre e de materias primas como o aluminio, que xogan un rol fundamental na produción industrial, tamén se está vendo impactada pola guerra.

Países como Arabia Saudita, Emiratos Árabes Unidos, Qatar, Kuwait e Irán atópanse entre os principais exportadores de xofre, un subproducto da refinación de petróleo e gas. De acordo co Servizo Xeológico de EE.UU., un 24% da produción global de xofre orixínase no medio Oriente.

Segundo o Programa de Alimentos da ONU, o aumento repentino dos prezos dos alimentos e os combustibles, debido ao conflito bélico no Medio Oriente, podería ter un efecto dominou que agravará a fame das poboacións vulnerables da rexión e doutras partes do mundo.

Trump, o executor desta guerra, xunto ao inductor Netanyahu, pide ao pobo iraniano que se subleve e derroque á súa ditadura relixiosa.  

Mentres que o resto do mundo, que está inmerso na preocupación por unha crise global, pide á cidadanía estadounidense —progresistas, votantes de Trump- que se rebelen contra o seu presidente, que entrou nunha situación que está fóra de control, tras os seus ímpetos expansionistas de prepotencia unidos a unha visión do negocio. Irán converteuse para Trump nunha pedra no seu zapato que non sabe como sacar. Até cando o Partido Demócrata estará calado? Unha boa parte da cidadanía norteamericana xa está a saír á rúa para protestar pola política de Trump; o partido Demócrata debería facer algo.