As Olimpíadas Evanxélicas: novos retos

As 'Olimpíadas Evanxélicas en Galicia' son xa un clásico na cidade da Coruña e sempre conta cunha gran participación de igrexas da Comunidade Autónoma. 

Son ao redor dun catorce congregaciones: “Igrexa Unida de Vigo”, “Boas Noticias de Lugo”, “Igrexa Boas Noticias de Ferrol”, “Mosaico, Igrexa da Coruña”, “O Camiño-Asemblea de Irmáns A Coruña”, “Igrexa Evanxélica de Marín”, “A Oliveira – Igrexa Evanxélica”, “Centro Cristián Auga Viva”, “Asembleas de Deus da Coruña”, “Corpo de Cristo – A Coruña  ”, “Igrexa de Lugo-Promesas”, “Igrexa de Irmáns de Riveira”, “Igrexa Evanxélica de Ares” e “Asembleas de Deus. Arteixo” que se achegan á Coruña nun amplo despregamento de medios e medidas de seguridade. As actividades teñen unha marcada tache cristiá, que non está en contra do festivo. Nesta edición teñen como mascota á ardilla Chipi que fará a súa presentación no desfile inicial; unha delicia para os participantes e espectadores. 

No Estadio Universitario Elviña da Coruña, participan en salto de lonxitude, salto de altura, lanzamento de peso, maratón e carreiras de varios tipos. Para iso os atletas de cada igrexa adestran varios fins antes das olimpíadas. Por outra banda, os nenos, nenas e adolescentes reciben asesoramento dos seus pais e dos responsables de cada igrexa, para decidir as probas en que van competir. As relacións que establecen nestes adestramentos, xunto coa viaxe no autobús e o día das olimpíadas potencian nos participantes unha mentalidade de competir con deportividade. As testemuñas dos máis novos dan conta de que non compiten por pasar o tempo, senón para fomentar a convivencia entre eles e mostrar a todos que Deus é os máis importante nas súas vidas.

 
As Olimpíadas Evanxélicas comezaron en Galicia no ano 1999 (cun parón de dous anos pola pandemia), e despois de 23 anos correndo cun obxectivo concreto, cada ano aparecen novos retos. Mentres o obxectivo é dar a coñecer a Jesús e a súa palabra de vida, no horizonte está o próximo ano, no que a Igrexa de Coruña cumpre 150 anos na cidade. Este feito está moi presente entre os participantes, ao ser eles, as xeracións futuras, as que continuarán o labor de difusión da mensaxe de Jesús e as súas consecuencias. Entre elas están todos os achegues que os evanxélicos, ou protestantes, fixeron á sociedade do momento. Desde a inauguración da primeira igrexa en 1875 na Praza de Pontevedra (A Coruña), trasladada en 1915 á rúa Panadeiras (no corazón do barrio do Papagaio) e fronte á imprenta NÓS de Anxel Casal, até a actualidade, que desde 1984 está situada na rúa Curros Enríquez co nome de 'O Camiño'.

 
A igrexa evanxélica de 'O Camiño' ten unha chea de actividades orientadas a mostrar a necesidade que as persoas teñen de coñecer a Biblia e de aceitar a mensaxe do Evanxeo. Para iso ten programados varios concertos na cidade, cine, conferencias e varias exposicións moi impactantes e que supoñen unha recuperación histórica do seu traballo.