Man de Camelle e o abandono da súa obra efímera

 

Mentras o Concello de Camariñas recoñece o efímero da obra de Man algúns lugareños desexan protexer dos temporais costeiros ese legado cultural e social representativo de Camelle e da Costa da Morte.

 

Manfred Gnädinger, o alemán que na súa peregrinación por Europa acaba enamorado de Camelle, falece o 28 de decembro do 2002, afectado ppr unha enfermidade chamada tristeza, por aquela marea negra do Prestige, que vestía de negro o noso litoral. Pero, despois da súa morte, foi recoñecido mundialmente pola súa arte marxinal que con rolos da beiramar foi creando esas catedrais e milladoiros representativos da súa esencia como artista e escultor pero tamén representativos desta vila costamorteña.

 

A mostra do encaixe de Camariñas é referencia deste Concello, mais o Cemiterio dos Ingleses e o Faro Vilán están recoñecidos entre os 10 lugares máis fermosos de España, a pesar de que a súa historia escura deron nome ás súas costas, bautizadas no século pasado como A Costa da Morte.

 

A erosión, da zona onde Man vivía, polos elementos naturais, especialmente o efecto das mareas cheas cando o temporal asolaga a beiramar de Camelle están destrozando, ano tras ano, o pouco que ainda segue en pé preto daquela vella caseta onde sobrevivía o artista e escultor alemán que, namorado do mar de Camelle, acabou por roubar o corazón de moitos habitantes da Costa da Morte, mais sobre todo, ós veciños deste pequeño peirao coruñes. As administracións que investiron moito diñeiro público nun museo e nunha estatua na súa honra agora parecen decididos a esquencer a obra do escultor por considerala efímera. Son moitos os lugareños que piden a protección ou traslado destas esculturas a un lugar seguro lonxe das mareas.

 Falta saber se vencerá o efímero ou o eterno.

 

 Vostede que opina querido lector ?