Pacto de PSOE e Sumar mentres o Consell da República pide bloquear

"Que vai facer Puigdemont? Dúas cousas: aceptar os resultados, porque el utilizou ao Consell cando lle conveu, ou pasar deles e apoiar a investidura de Pedro Sánchez. Esta última opción, se finalmente optase por ela, levaríalle a que o considerasen un traidor, calificativo que lle molesta moito, aínda que el aplicouno con outros colegas." 

O presidente do goberno en funcións e candidato á investidura, Pedro Sánchez, e a vicepresidenta en funcións e líder de Sumar, Yolanda Díaz, comparecían ante os medios de comunicación, sen preguntas dos xornalistas, para anunciar que chegaran a un acordo de reedición do goberno de coalición para os próximos catro anos. Aparentemente víaselles encantados de anunciar os dous juntitos a boa “nova”.  Facíano sen ter atados os acordos cos independentistas, especialmente co partido de Puigdemont, que nos últimos días estivera máis belixerante?.

O acordo de goberno inclúe, como pedía Sumar, a rebaixa da xornada laboral, que o próximo ano pasaría das 40 horas semanais actuais a 38,5. A redución iríase aplicando ao longo do mandato até chegar ás 35. A mellora do despedimento, a carta social europea, a aprobación dunha lei para establecer un máximo nas listas de espera da sanidade pública, a aprobación de permisos remunerados para a conciliación familiar ou a ampliación dos permisos retribuidos. Outras das propostas é un plan de choque contra o desemprego xuvenil. Máis vivendas públicas e unha reforma fiscal para que a banca e as empresas enerxéticas contribúan no gasto público. O acordo contempla a transición ecolóxica e unha economía verde.

Tras o rexeitamento da maioría da cidadanía pola posible amnistía, as concesións aos independentistas e a volta ao pacto cos podemistas reconvertidos en Sumar, o PSOE quixo mostrar que na próxima lexislatura, se se chega a plasmar, o Executivo aposta fortemente polas políticas sociais, co obxectivo de contentar á xente , que se esqueza dos pactos e demais. Pedro Sánchez non conta con que as persoas teñen memoria, que é a segunda vez que non cumpre a súa palabra, máis ben fai todo o contrario, e que non llo van a perdoar.

Para augarlle a alegría a Sánchez e Díaz, unhas poucas horas máis tarde dábanse a coñecer os resultados da consulta que realizaran ás “bases” o Consell da República a petición dun membro da mesma - hai que lembrar que días atrás Puigdemont instara á disolución do Consell, con bastantes críticas das bases, Quizais se cheiraba o que lle viña encima -. A participación non chegou ao 5%,  o censo é de 90.484 e votaron 4.021 persoas. O 74,9% dos votos foi favorables a que os partidos independentistas  bloqueen a investidura de Pedro Sánchez e un 24,9% que non. Unha participación moi baixa que quere impor os seus resultados aos partidos de Puigdemont e Junqueras.

Que vai facer Puigdemont? : aceptar os resultados, porque el utilizou ao Consell cando lle conveu, ou pasar deles e apoiar a investidura de Pedro Sánchez. Esta última opción, se finalmente optase por ela, levaríalle a que o consideren un traidor, calificativo que lle molesta moito, aínda que el aplicouno con outros colegas.

Pedro Sánchez estará este mércores en Bruxelas como presidente do país que preside a UE. Verase con Carles Puigdemont e este xogará esa baza diante dos seus “seguidores”? Queda medianamente claro que se o candidato socialista non tivese os votos atados non anunciaría o seu pacto con Sumar. Ou quizais porque coñece a posición de Puigdemont anuncia toda unha batería de políticas sociais para ir preparar a campaña electoral de face a unhas novas eleccións en xaneiro, só hai estas dúas posibilidades. Hai que esperar dous días para coñecer o desenlace final de “conseguindo votos para investir a Pedro Sánchez”. Por certo non hai que esquecer do que finalmente decida Pablo Iglesias , o xefe na non tan sombra de Podemos. Farao por boca de Belarra e Montero, e queren dous ministerios.