España é un país de cheques en branco?

Levamos un tempo - ultimamente acrecentouse – que se ouve  “non daremos un cheque en branco”. Ao escoitar esta frase pódenos parecer que    o escenario podería ser, un mercado persa? Podería ser, pero é o panorama político nuns momentos transcendentais do próximo goberno de España.

Entrado xa na etapa do segundo candidato, Pedro Sánchez, que se presenta á investidura para optar á presidencia do goberno de España, na que o Rei Felipe levou a cabo as consultas cos distintos partidos fóra de #ERC, o BNG, Junts, ERC e Bildu, que non quixeron acudir a Zarzuela, por tanto, non puideron explicar ao monarca cales son as súas intencións de votar ou non ao socialista. Mentres que o PNV si que despachou, o seu portavoz Aitor Esteban trasladou ao xefe do Estado que nestes momentos o seu partido non está en condicións de dar o seu apoio a Pedro Sánchez. Se o Rei non ten constancia de que o PSOE conta cos votos suficientes para ser elixido, nomeará igualmente a Pedro Sánchez como candidato?

Mentres, iso do cheque en branco esténdese. Puigdemont incidiu neste concepto, é máis, pide que o cheque en branco conteña máis ceros en forma de amnistía, referendo…. Os republicanos non quedan atrás e o contido do seu cheque ten que ser superior ao dos seus colegas. Pero é que no talonario de Pedro Sánchez, o papel vai minguando. Os seus actuais socios de goberno, Unidas Podemos e Sumar de Yolanda Díaz, non quedan atrás e tamén falan de non dar un cheque en branco. As ameazas van por partida dobre: por unha banda, as mulleres de Unidas Podemos que tiran contra o PSOE, pero tamén contra a mismísima Yolanda Díaz, que falan de non estenderlle, outra vez, un cheque en branco. Quéreno recheo en forma de manter o Ministerio de Igualdade para Irene Montero. Mentres que a líder de Sumar non se resigna e utilizou ao portavoz da súa plataforma, Ernest Urtasun, quen esta mañá de luns declaraba que o seu apoio para un futuro Goberno de coalición non é un "cheque en branco" e reclama aos socialistas avanzar en materia de redución de xornada laboral, subida do salario mínimo interprofesional (#SMI), control efectivo do prezo do aluguer e un novo modelo de financiamento autonómico. Escribía Antonio Gala: “Á política dedícanse quen non serven para outra cousa?”.

Con tanta petición de cheques en branco Está en condicións o presidente en funcións de repartir cheques para pagar unha mercadoría que se chama votos, na que, ao longo dos posibles catro anos de goberno, os cheques van seguir sendo utilizados a modo de chantaxe? É España un país de cheques en branco? Dicía Antonio Gala: “Non son pesimista. Son un optimista ben informado”.