Os árbitros españois, caciques no terreo de xogo?

Os afeccionados ao fútbol estaban a esperar o inicio da liga profesional como o que espera algo moi importante. O fútbol é adictivo e os seguidores están enganados até en pleno mes de agosto. Non lles importa que sexa período de descanso, seguen a actualidade deportiva con intensidade desde a praia, a montaña ou calquera outro lugar de vacacións.

Este fin de semana iniciábase o campionato e, como era de esperar, a vista de cada un estaba posta no seu equipo favorito, pero tamén nos dous grandes que dan vida ao fútbol: Real Madrid e Barcelona, a orde é indiferente. O club madrileño disputaba o seu primeiro encontro con dúas baixas importantes: Thibaut Courtois con rotura do ligamento cruzado anterior do xeonllo esquerdo, fálase de que pode estar de baixa un ano, e Ardo Güler,  que foi operado do menisco e como mínimo estará un mes e medio sen poder xogar. A esas dúas baixas sumóuselle este domingo a de Militao, que se lesionou no partido que xogaban contra o Athletic, ao que gañaron por 0-2 na catedral do fútbol. 

O outro grande, o Barça, non tivo tanta sorte e empatou ante o correúdo Xetafe que, como vén sendo habitual nas últimas tempadas ponllo moi difícil ao equipo blaugrana, Ao empate contribuíu a actuación arbitral  do colexiado Soto Grande que foi desastrosa , tragouse un penalti de Igrexas a Araujo, viu unha man de Gavi que ninguén viu, e expulsou a Raphinha e ao adestrador do Barça Xavi por recriminarlle a súa arbitrariedade. Xogo sucio do Xetafe, interrupcións cada dúas por tres, e o gran protagonista do encontro, o árbitro, ao que se lle escapou o partido das mans.

España conta con bos árbitros, ninguén o dubida, á vez tamén de árbitros  estrelas que queren ser as grandes figuras no terreo de xogo. A mostra está en Soto Grande.. É certo que os árbitros teñen un traballo difícil, o lidar con grandes figuras que cobran millonadas de soldo, pero iso non significa que teñan que tentar impor pola forza a autoridade que teñen no terreo de xogo. Vólvense intolerantes, prepotentes e co sentido de ter a tixola polo mango. Está ben que expulsen aos xogadores que os insulten, que repartan estopa a dereita , esquerda, arriba e abaixo, pero deben admitir  críticas e dialogar cos xogadores e adestradores. Hai uns cantos que fan o seu traballo ben e non se nota que están a arbitrar. Outros se converteron en auténticas estrelas, cousa que non debería ser así e é o caso de Soto Grande, a estrela no campo do Xetafe.

Os soldos dos árbitros de primeira división subiron moito nos últimos anos. Piten ou non, teñen asignado un soldo mensual de 12.000 euros. Ao que hai que sumar uns 4.200 euros máis por cada partido que arbitren, que de media adoitan ser dous  Si ademais pitan en competicións europeas perciben 7.000 euros por partido. Con estas cantidades que non percibe calquera mortal,  máis dun subir á cabeza.

Un número importante de árbitros créronse os príncipes do pito, as decisións arbitrarias, os intolerantes ante o diálogo e os caciques do terreo de xogo. Actitudes que deixan ao descuberto que algo está a pasar co estamento arbitral, non é novo, pero haberá que pór remedio. A liga Profesional e algún máis se están cargando o fútbol que tantas alegrías e desgustos dan aos afeccionados, e tanto diñeiro a outros que non queren deixar as súas cadeiras de brazos.