Diaz non gana para sustos: Colau quere un referendo

En demasiadas ocasións hai formacións políticas que se parecen máis a unha pota de grilos que a un proxecto serio, consistentes, cun único criterio que define a súa liña de actuación. En plena campaña electoral do 23-J - aínda que non sexa oficial aínda-, a plataforma Sumar que lidera Yolanda Díaz volve ter problemas. Nesta ocasión cos seus “socios”, os Comúns de Ada Colau, que como xa non é alcaldesa, nin ten responsabilidades de goberno ,dispón de tempo suficiente como para pasear polos estudios de televisión a explicar a independencia do seu partido respecto de Sumar.

A cabeza de lista de Sumar por Barcelona, Aina Vidal, declarou que Sumar incluirá no seu programa electoral o referendo de autodeterminación en Catalunya. Por si había dúbidas remarcou: “No referendo estamos onde estivemos sempre. Cataluña debe votar o seu futuro. Formará parte do noso programa electoral", sentenciou Vidal en resposta a unha pregunta.  

Por si non houbese dúbidas das afirmacións da cabeza de lista por Barcelona, a exalcaldesa e líder dos Comúns, Ada Colau, nunha entrevista na tele do Govern quixo deixar claro que “os Comúns teñen o seu propio programa para Catalunya” e que inclúe “un referendo sobre unha nova proposta de relación entre Catalunya e o Estado”. Toda unha declaración “aclaratoria” do que realmente queren os Comúns. Quitáronse xa a careta? Queren que Susana Díaz fracase? Ou pretenden hacerl a competencia aos independentistas para sacar máis votos? Non hai que botar a vista moi atrás cando Colau realizou máis dunha chiscadela ao independentismo e o seu apoio á consulta sempre estivo presente.

Ante esta situación que provocou gran nerviosismo na dirección, complica o proxecto de Sumar - 15 formacións compoñen a plataforma-. Yolanda Díaz, que en privado considera que os Comúns rebentou a campaña con esa proposta, non a acepta, e é que ademais só hai un único programa que é o de Sumar, sentenciaba Díaz moi contundente, iso si con voz de non romper un prato na súa vida.

Colau tivo moito que ver cos nomes dalgúns dos compoñentes - con posibilidades de saír- da lista por Barcelona: Gerardo Pisarello, Gala Pin e o controvertido Eloi Badía - que está a ser investigado-, pero que ten a confianza da exalcaldesa. Pisarello, defensor do referendo, colleulle gusto ao Congreso, cun bo soldo. Ademais, está lonxe de Colau que o enviou a Madrid para sacarllo de encima. Gala Pin, que no seu día foi concelleira do concello e que dixo que abandonaba a política, foi obxecto dunha advertencia do Comité de Ética do Concello tras ser contratada pola Fundación Gotea, que recibira case 300.000 euros en subvencións - portas xiratorias? Está claro que si. Eloi Badía, moi amigo de Colau, queimado pola súa actuación no concello, “renunciou” a ir na lista das municipais para pór terra polo medio. Son moitas os inimigos que se xerou ao longo da súa actuación municipal que non se pode cualificar de boa.

A líder dos Comúns, que conseguiu dinamitar a Podemos en Catalunya, pensa que pode facer o que lle vinga en gana. Pero non coñece ben á galega, á que non lle tremeu a man á hora de sacar de encima a Montero, Echenique e algúns máis. Os resultados en Barcelona non foron bos para Colau. A pesar diso, Díaz deu o visto e prace á incorporación deste tres ex rexedores que non teñen bo predicamento.

Yolanda Díaz non está disposta a consentir que os Comúns lle esnaquicen a campaña, xa tivo bastante con Unidas Podemos. Así que, bromas as xustas, adoita dicir. Iso non quere dicir que Colau e compañía calen: non é o seu estilo. Até o 23-J Díaz vai sufrir de xeito abondo, é como un fontaneiro tratando de tapar os escapes das tubaxes que aínda que novas parece que perden por varios tramos.