Habilitan un plan de transporte por estrada entre Ribadeo e Viveiro/Cerdido polo cesamento da circulación ferroviaria
A N-642 está cortada ao tráfico desde a noite deste venres e desde este sábado interrompeuse tamén a circulación ferroviaria paralela
A circulación ferroviaria entre Burela e Ribadeo, no Ancho Métrico que une Ferrol con Xixón e Oviedo, continúa suspendida desde este sábado polo "perigo de desprendemento" que se orixinou tras o derrube dunha parte da estrada N-642 polas fortes choivas destes días.
Adif trasladou que estableceu un plan alternativo de transporte por estrada entre Ribadeo e Viveiro/Cerdido para aqueles pasaxeiros que empreguen esta liña ferroviaria, que discorre paralela á estrada cortada.
A N-642 está cortada ao tráfico desde a noite deste venres por un "embalsamiento de auga derivada dos últimos episodios de intensas choivas na marxe esquerda desta estrada e a aparición de gretas e unha focha, no punto quilométrico 42,3".
Escribe o teu comentario