A Coruña prepárase para celebrar a carreira máis solidaria con repartición de dorsais no Corte Inglés

Este sábado 18 de outubro as rúas da Coruña poboaranse de heroes con e sen capa. Son os corredores da XII Carreira pola Inclusión de ENKI, que leva xa máis dun mes recibindo solicitudes de deportistas e non tan deportistas, pero desde logo si de todos aqueles que queren achegar o seu granito de area solidario nesta proba tan divertida como inclusiva. 

NAS súas MARCAS!

A carreira, cos seus obstáculos, non busca un gañador ao uso, xa que os triunfadores poden saír non dos que crucen antes a liña de meta nos 2,5 quilómetros de percorrido, sen dos máis animados ou os disfraces máis orixinais. 

Con máis dunha década de traxectoria, a proba non é unha copetición ao uso, senón que, como recalca a organización, "promove a inclusión e a visibilización de colectivos e persoas con diversidade funcional, así como o respecto e a educación na diversidade". 

Os obstáculos, accesibles e non obrigatorios, son só o punto picante desta xornada divertida na que os voluntarios da organización tratarán de axudar a todos os que necesiten un empujoncito e velarán por que o día se desenvolva de maneira segura e sen incidencias. 

Os inscritos poderán recoller desde mañá, 16 de outubro, e até o venres, 17 de outubro, os seus dorsais en horario de 10 a 21 horas no departamento de Deportes do Corte Inglés da Coruña, que un ano máis volve participar nesta iniciativa.