O mércores decídese si hai acordo ou si mantense a folga de autobuses na Coruña

Os traballadores e traballadoras do transporte de viaxeiros por estrada da provincia da Coruña están chamados este martes a unha serie de asembleas informativas convocadas por CIG, UXT e CCOO, nas que se explicará o contido do preacordo alcanzado coa patronal tras semanas de tensas negociacións e unha folga indefinida en suspenso. A decisión final votarase este mércores nas estacións de Santiago, Ferrol, A Coruña e Carballo, onde se desprazarán urnas para recoller o veredicto do persoal.

A mediación celebrada onte no Consello Galego de Relacións Laborais permitiu achegar posicións entre as empresas e os sindicatos, aínda que non logrou un consenso pleno. #UXT e CCOO asinaron o preacordo, mentres que a CIG se desmarcou do texto por considerar que os avances “son mínimos” e non recuperan o poder adquisitivo perdido.

DESACORDO SINDICAL

O documento pactado prevé unha subida salarial do 3,4% para 2025 e 2026, en liña coa evolución do IPC, con posibilidade de revisión se a inflación real é superior. Tamén fixa unha xornada anual de 1.800 horas e contempla o recoñecemento de festivos con compensación económica, a incorporación da xornada continua ao convenio e un lixeiro aumento dos días de asuntos propios, segundo detallou Iván Cancela, portavoz de UXT-Transportes. Para UXT e CCOO, “o paquete global supera as expectativas iniciais”.

Pola contra, a CIG sostén que o texto non inclúe melloras reais nin laborais suficientes, denunciando que a negociación deixou fose aspectos crave como o plus de nocturnidade, a ampliación de permisos e unha cobertura máis ampla en casos de incapacidade temporal. O sindicato nacionalista afirmou nun comunicado que o acordo “non cumpre os obxectivos marcados” e “non garante unha recuperación xusta dos salarios tras anos de perdas”.

RESOLUCIÓN O MÉRCORES

A votación deste mércores será decisiva: o persoal deberá elixir entre ratificar o preacordo e desconvocar a folga indefinida, ou ben manter a presión para esixir novas melloras ao sector empresarial. A folga, que afecta o transporte interurbano e metropolitano en toda a provincia da Coruña, quedou suspendida provisionalmente até obter o resultado das asembleas.

O conflito, que involucra a miles de profesionais do transporte de viaxeiros, pon en evidencia a dificultade de equilibrar a rendibilidade empresarial coas condicións laborais do sector, moi golpeado pola temporalidade e os baixos salarios. O Consello Galego de Relacións Laborais confía en que a mediación contribúa a desbloquear un acordo “estable e digno” para o conxunto do colectivo.