ElPulpo seguirá vestindo aos campións de Europa ao renovar o seu contrato coa selección española

A firma coruñesa elPulpo renova e amplía o seu acordo coa Real Federación Española de Fútbol (#RFEF) para ser a firma oficial de sastrería dos xogadores da selección absoluta masculina en todos os seus desprazamentos até 2026.

Tras dous anos de vinculación coa RFEF a través de dúas coleccións, elPulpo dá un paso máis ao vestir agora aos xogadores do primeiro equipo en cada un dos seus desprazamentos.
 

Con este novo acordo, colaborará de maneira oficial non só co equipo masculino absoluto, senón tamén coa selección española feminina e coas seleccións masculina e feminina de fútbol sala.
 

"Para elPulpo é un privilexio que os xogadores da selección española de fútbol vistan nosa sastrería e sexan embaixadores da marca en todas as competicións internacionais. Estes deportistas de elite representan a marca España e son iconas de estilo para as novas xeracións, e os mellores representantes que poderiamos soñar para a nosa innovadora liña de Tailoring", afirma o presidente de elPulpo, José Antonio Chacón.
 

Durante a presentación do novo traxe oficial da RFEF, o centrocampista do Barça Pedri referiuse ao "soño" de poder gañar o próximo Mundial.