Deputación de Pontevedra inviste máis de 1 millón de euros no fútbol de Ribadumia, fogar de Louzán, presidente da RFEF

O presidente da Deputación de Pontevedra, Luís López, asinou o convenio de colaboración co alcalde de Ribadumia, David Castro, para financia o proxecto básico e de execución para os novos servizos do campo de fútbol e do pavillón polideportivo, así como a humanización do espazo anexo.

Así, a través do acordo o organismo provincial achega 700.000 euros a un proxecto valorado en máis dun millón de euros. O proxecto contempla a construción duns novos accesos, aseos e dotacións ao campo de fútbol e pavillón polideportivo cunha edificación que redondee a humanización dun espazo público delimitado polos edificios do CEIP Becerra Malvar, o pavillón polideportivo e o campo de fútbol da Bouza de Barrantes.

A construción dunha edificación de dúas plantas servirá para mellorar o acceso ao campo de fútbol, dotalo de novos vestiarios e servizos para o pavillón polideportivo.

Unha intervención que, segundo apuntou a Deputación nun comunicado, resolverá as "carencias actuais" duns equipamentos que utilizan os alumnos do colexio, tanto para actividades escolares, deportivas como de lecer.