Fran Pati presenta en Galicia 'Moder-Non', con actuacións na Coruña, Vigo e Santiago de Compostela

A modernidade é sacar o teléfono, mirar a hora, gardar o teléfono e non saber que hora é. A modernidade é entrar a un local, pedir un café e ver que o que che serviron é calquera cousa menos un café. A modernidade é absurda en si mesma e os modernos un suxeito que o humorista Fran Pati encárgase de diseccionar nos seus shows, que esta semana chegan a Galicia con tres funcións de venres a domingo que o levarán a percorrer a comunidade de norte a sur.

O manchego aterra este venres 23 de febreiro na Sede Afundación da Coruña co seu espectáculo 'Moder-Non', que tamén despregará na Sala Sinattra de Vigo o sábado 24 e na Sala Riquela de Santiago de Compostela o domingo 25 para pechar esta minigira. 

A produtora 'Etiqueta Negra' detalla que o show vira ao redor das experiencias vitais do propio Pati tras dar o salto do seu pobo natal a Madrid, coas diferenzas que iso supón. De Castela - A Mancha a "a gran cidade" e os seus barrios cheos de "modernos", como os define, Pati mete o bisturí para disertar sobre esas diferenzas entre o campo e a urbe e reflexionar sobre os cambios desde a súa infancia até hoxe.