A capital galega recibe medio millón de euros para o emprego xuvenil

A concelleira de Igualdade, Desenvolvimiento Económico e Turismo, Marta Lois, informou hoxe en rolda de prensa sobre unha nova subvención destinada a un programa de emprego xuvenil. Consta de 526. 564 euros procedentes de fondos europeos e canalizados polo Ministerio de Emprego. 

Marta Lois destacou o esforzo das administracións locais por "mellorar o emprego" da capital galega, aínda que "a competencia directa" para facelo non lles corresponda.

Esta última subveción súmase ao millón e medio de euros que se destinou o ano pasado ao plan de "Mocidade con Emprego", tamén ligado ao emprego xuvenil, "unha das grandes preocupacións" dos veciños santiagueses. En total, as axudas suman 2 millóns de euros que permitirán formar a "máis de 400 mozos, o que contribuirá á súa incorporación laboral en sectores estratéxicos".

O Plan Xuvenil de cualificación profesional 'Impulsa' busca mellorar a empleabilidad de 85 persoas no sector das Tecnoloxías  e a Comunicación a través de cinco itinerarios formativos, que contan con 17 prazas e ofrecen un certificado profesional de nivel 3. 

O programa estará destinado a persoas de entre 16 e 30 anos inscritas no Sistema de Garantía Xuvenil e que dispoñan, como mínimo, de Bacharelato. Terá inicio a finais de marzo e principios de abril.