​Detido en Asturias o violador do estilete por reincidir

Foi condenado a 70 anos de prisión por delitos cometidos nos 80 e 90. En 2014 volveu ser condenado.


|

Villabona carcelPrisión de Villabona, en Asturias.


O coñecido como violador do estilete, Félix Vidal Anido, foi arrestado esta semana en Asturias como presunto autor dun delito de agresión sexual, segundo informaron a Europa Press fontes policiais.


Vidal Anido, que gañou o sobrenome de violador do estilete por utilizar esta arma nas súas agresións, ingresou no cárcere asturiano de Villabona tras prestar declaración en dependencias policiais.


A detención do coñecido como violador do estilete, un dos beneficiarios da anulación da doutrina Parot, produciuse tras a presentación dunha denuncia por un presunto delito de agresión sexual.


De 53 anos, Vidal Anido foi condenado a 70 anos de prisión por varias violacións cometidas nos anos 80 e 90 e cumpriu condena durante case 30 anos.


Entre as súas accións, cometeu dúas agresións moi violentas en Lugo no ano 1987. En setembro dese ano, Vidal Anido abordou a unha muller na rúa Castelao e tentouna violar. Opuxo resistencia e recibiu oito puñaladas cun estilete, o que provocou a súa intervención cirúrxica.


Posteriormente, seguiu a outra muller, empregada de fogar, ata a vivenda na que traballaba, onde a abordou e obrigou a entrar no piso, violouna varias veces e produciulle varios cortes cun estilete.


En 2014, ademais, foi condenado a 21 meses de prisión por un delito de coaccións por tentar acceder á vivenda dunha muller na rúa Eirín de Lugo, á que puxo un obxecto na tempa para impedir que se movese e tapoulle a boca para que non gritase.


O coñecido como violador do estilete frecuentaba en ocasións a casa dos seus pais, no municipio lucense de Pol.


relacionada Alarma en Lugo pola saída do cárcere tras 20 anos dun violador e asasino
relacionada ​A petición online pola prisión permanente non move de posición aos partidos

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE