​Aumentan a 26 os falecidos por gripe e a metade non se vacinaran

|

Gripevacunaaguja


As persoas falecidas con gripe na Comunidade galega sitúanse en 26 desde o inicio da tempada actual, o que supón 16 máis que hai unha semana, na que había dez rexistradas.


Así se constata no noveno informe de 'Vixilancia da gripe en Galicia' que publica o Servizo Galego de Saúde (Sergas), correspondente á semana que acabou o 7 de xaneiro. Das 26 persoas falecidas todas tiñan indicada a vacina, ben por idade ou ben por ter factores de risco para sufrir complicacións, pero trece delas non estaban vacinadas.


Ademais, segundo se reflicte no último informe sobre a gripe publicado polo Sergas, a data 11 de xaneiro de 2018 había 406 pacientes ingresados con gripe confirmada en hospitais de Galicia, que viven unha situación de colapso nas Urxencias, tal e como denuncian sindicatos de profesionais e pacientes.


En total, desde o inicio da tempada, declaráronse 844 ingresos con virus da gripe confirmados en hospitais do Sergas. Hai unha semana, segundo o oitavo informe publicado, había 473 ingresos rexistrados desde o inicio da tempada actual.


O Sergas concreta, ademais, que o 90 por cento do total dos pacientes ingresados durante esta tempada tiñan indicada a vacina antigripal e, deles, o 54 por cento non a puxeran.


INTENSIDADE MEDIA


O número de chamadas atendidas no 061 por gripe e outras infeccións respiratorias agudas (IRA) descenderon "moi lixeiramente", polo que, recolle o informe do Sergas, a tendencia cualifícase como "estable" e o nivel de intensidade "segue sendo medio".


Mentres, en Atención Primaria nesta semana a vixilancia baseada nos rexistros informatizados de gripe en Atención Primaria do Sergas tamén "descende", aínda que o fai "moi lixeiramente", segundo precísase no informe.


relacionada ​Feijóo, aos enfermos de gripe: "Hai catro recursos que usar antes de ir ao hospital"
relacionada ​O Sergas recoñece unha peor atención na onda de gripe a pesar de sumar cen reforzos cada día
relacionada A epidemia de gripe en Galicia esténdese e elévase a 10 falecidos nesta tempada

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress