Falece un mozo en Ribadeo tras caer ao mar despois de sufrir un accidente cun quad

Un mozo de 23 anos, veciño de Ribadeo, faleceu esta tarde ao caer ao mar despois de sufrir un accidente mentres ía nun quad. Un helicóptero de Gardacostas foi o encargado de rescatar o corpo.

Preto das 14.45 horas, o 061 puxo en aviso ao 112 Galicia deste accidente que ocorreu na parroquia ribadense de Piñeira, segundo informou a central de emerxencias. Tamén alertou un amigo do falecido, que explicou que o perdeu de vista.

O 112 pasou o aviso ao persoal de Salvamento Marítimo e de Gardacostas de Galicia, que derivou ao momento un helicóptero. Tamén unha embarcación dirixíase até o lugar. Ademais, foron informados os axentes da Garda Civil, da Policía Local e os efectivos de Protección Civil.

Tras avistar o corpo do home, o helicóptero baixou o guindastre até o cantil e puido rescatar á vítima para deixalo onde se atopaba o persoal sanitario, que se encargou de confirmar a súa morte.